Pabil News
काठमाडौं । इजरायलले २०० प्यालेस्टिनी बन्दीको रिहा गरेको छ । इजरायलको जेल सेवाले यससँगै सबै प्यालेस्टिनी बन्दीको रिहा गरेर सकिएको जनाएको छ ।
गाजामा भएको युद्धविराम सम्झौताअन्तर्गत हमासद्वारा इजरायली बन्धक र इजरायली जेलमा रहेका प्यालेस्टिनी बन्दीहरूको आदानप्रदान भएको यो दोस्रो पटक हो ।
यसअघि हमासले इजरायलबाट चार महिला बन्धकलाई रिहा गरेको थियो । यी चारैजना इजरायली सैनिक हुन् ।
समाचार एजेन्सी एएफपी र रोयटर्सका अनुसार इजरायल जेल सेवाले जारी गरेको विज्ञप्तिमा भनिएको छ, ‘जेलमा आवश्यक प्रक्रिया पूरा भएपछि र प्रशासनको स्वीकृति पछि सबै बन्दीलाई ओफर र जियोट जेलबाट रिहा गरिएको छ ।’
About The Author
