सृष्टि र नाजिर स्टारर ‘केटी हराएको सूचना’को दोस्रो ट्रेलर सार्वजनिक

काठमाडौं– प्रदर्शन तयारीमा रहेको फिल्म ‘केटी हराएको सूचना स् मिसिङ’को दोस्रो ट्रेलर सार्वजनिक भएको छ । ५ मिनेट १६ सेकेण्डको ट्रेलर प्रमुख कलाकार नाजिर हुसेन र सृष्टि श्रेष्ठ वरपर घुमेको छ ।

सामाजिक सञ्जालबाट भेटिएका अपरिचित उनीहरू यात्रामा निस्कँदा आउने उतारचढावको कथावस्तुमा फिल्म बनेको छ । ट्रेलरले फिल्मले पहाड र मधेशबीच मेलमिलापको खोजी दर्शाइएको छ ।

नाजिर रामको भूमिका र सृष्टि सीताको भूमिकामा छन् । ट्रेलरमा केही दिनअघि सार्वजनिक गरिएको नयाँ गीत ‘सपनीमा’का फुटेजलाई पनि स्थान दिइएको छ । दीपेन्द्र गौचन निर्देशित फिल्मलाई ट्राई सिटी पिक्चर्सको ब्यानरमा निर्माण गरिएको हो ।

फिल्ममा सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्ण, अमितेश शाहको अभिनय छ ।

नकिम उद्दिन कार्यकारी निर्माता रहेको फिल्ममा मनोहरदास मुल, अनिन राजभण्डारी, राजीव थापा, रोबिन थापा, राधेश पन्त, महेन्द्र शाक्य, ज्योतिमान शेरचन, चन्द्र भट्टचन, सञ्जय भट्टचन सह–कार्यकारी निर्माताको रुपमा छन् ।

फिल्ममा अमर महर्जनको छायांकन, निमेष श्रेष्ठको सम्पादन, शंकर महर्जनको द्वन्द्व, दीपेन्द्र गौचन, प्रवेश मल्लिक र करुण थापाको संगीत छ । ओएसआर डिजिटल डिजिटल पार्टनर रहेको फिल्म एप्पल इन्टरटेनमेन्ट, रिच इन्टरटेनमेन्ट र एफडी कम्पनीले वितरण गर्दैछन् ।