Pabil News
काठमाडौं– कांग्रेस संसदीय दलको निर्वाचन सुरु एको छ । सिंहदरबारमा रहेको कांग्रेस संसदीय दलको कार्यालयमा मतदान सुरु भएको हो ।
बिहान ८ बजेबाट मतदान सुरु हुने भनिएपनि झण्डै एकघण्टा ढिलो गरी मतदान सुरु भएकाे हाे ।
मतदानमा सहभागी हुन सांसदहरू सिंहदरबार प्रवेश गर्ने क्रम पनि जारी छ ।
संसदीय दलको नेताका लागि सभापति शेरबहादुर देउवा र महामन्त्री गगन थापा प्रतिस्पर्धामा रहेका छन् ।
सभापति देउवाको उम्मेदवारीको प्रस्तावक वरिष्ठ नेता रामचन्द्र पौडेल र समर्थक पार्टी उपसभापति पूर्णबहादुर खड्का रहेका छन् ।
यसै गरी महामन्त्री थापाको उम्मेदवारीको प्रस्तावक नेता डा शेखर कोइराला र समर्थकमा उपसभापति धनराज गुरुङ, महामन्त्री विश्वप्रकाश शर्मा र केन्द्रीय सदस्य प्रदीप पौडेल रहेका छन् ।
समितिले उम्मेदवारी दरखास्त दिन मङ्गलवार दिउँसो २ बजेदेखि ३ बजेसम्मको समय निर्धारण गरेको थियो ।
About The Author
