देउराली मावीका शिक्षकमाथी आफ्नै विद्यार्थीबाट मुक्का प्रहार !

धादिङ– नीलकण्ठ नगरपालिका-८ ससाह स्थित देउराली माध्यमिक विद्यालयमा अध्ययनरत विद्यार्थीहरु एक समूहले आफ्नै शिक्षकमाथी कुटपिट गरेका छन् ।

कक्षा ८ र ९ मा पढ्ने ४ जना विद्यार्थीले आफैलाई पढाउने शिक्षक बाबुराम धितालमाथी कुटपिट गरेका हुन् । विद्यालयका प्रधानध्यापक खिल बहादुर धमलाका अनुसार अविनास तामाङ, सन्दिप तामाङ, अमृत तामाङ र राजन कुमाल कुटपिटमा संलग्न थिए ।

शिक्षक र ती विद्यार्थीबीच केही समय अघि भनाभन भएको र शुक्रबार विद्यालय परिसरभित्रै हातपात गरेको बताइएको छ । प्रत्यक्षदर्सी विद्यार्थीका अनुसार शिक्षकले विद्यार्थीलाई मारिदिने भन्दै धम्क्याएको र त्यसपछि विद्यार्थीको समुहले कक्षाकोठाभित्रै मुक्का प्रहार गरेका हुन् ।

शिक्षक धिताल देउराली माबिका विज्ञान विषय शिक्षक हुन् । शुक्रबार साँझ अबेरसम्म विद्यालयमा शिक्षक, प्रहरी र अभिभावकबीच घटनाबारे छलफल भैरहेको थियो ।

विद्यार्थीहरुबाटै शिक्षकमाथी कुटपिट हुनु र विद्यालयमा यस्ता घटना दोहोरिरहनु विद्यालय व्यवस्थापनको समितिको कमजोरीका कारण रहेको अभिभावक बताउछन् । कुटपिटको विषयमा शिक्षक बाबुराम धितालले भने घटनालाई सामान्य रुपमा लिईदिन आग्रह गरेका छन् ।
यी हुन् मुक्का खाने शिक्षक बाबुराम धिताल