थाक्रेको अध्यक्षमा एमालेका आचार्य, उपाध्यक्षमा माओवादीका थापा विजयी

धादिङ : धादिङको थाक्रे गाउँपालिकाको अध्यक्षमा नेकपा एमालेका उम्मेदवार रामकुमार आचार्य विजयी भएका छन् । उनी १० हजार ३ सय ५५ मत प्राप्त गरी विजयी भएका हुन् । उनका प्रतिद्धन्द्धि नेपाली काँग्रेसका उम्मेदवार रामप्रसाद विडारीले ८ हजार १ सय १६ मत प्राप्त गरे ।

उपाध्यक्षमा नेकपा माओवादी केन्द्रका उम्मेदवार यन्त्रबहादुर थापा विजयी भएका छन् । उनी ९ हजार ४ सय ३१ मत ल्याई विजयी भएका हुन् । उनका प्रतिद्धन्द्धि नेकपा एमालेका उम्मेदवार अम्बिका रुपाखेतीले ९ हजार ९१ मत प्राप्त गरिन् ।

थाक्रेका वडा नं १ मा श्यामसुन्दर थापा, वडा नं २ मा टिकाराम तामाङ, वडा नं ३ मा विजय तामाङ, वडा नं ४ मा आसाराम तामाङ, वडा नं ५ मा सन्तबहादुर तामाङ विजयी भएका छन् ।

त्यस्तै वडा नं ६ मा हिराबहादुर थापा, वडा नं ७ मा युवराज खतिवडा, वडा नं ८ मा प्रेमकुमार थापा, वडा नं ९ मा श्यामचन्द्र आचार्य, वडा नं १० मा गोकुल प्रसाद लामिछाने र वडा नं ११ मा शुदर्शन पाण्डे विजयी भएका छन् ।