रुविभ्याली-३मा जसपाले मार्यो बाजी, पछारिए राप्रपा र एमाले

धादिङ– रुविभ्याली गाउँपालिका वडा नम्बर ३ को वडा अध्यक्षमा जनता समाजवादी (जसपा) ले बाजी मारेको छ ।

राप्रपाको गढ मानिएको रुविभ्यालीको वडाहरुमा गठबन्धन र राप्रपाका उम्मेदवारलाई झण्डै दोब्बर मतले उछिन्दै जसपाका फेदोर्जे तामाङ विजयी भएका छन् । धादिङ जिल्लाको इतिहासमै जसपाको उम्मेदवार विजयी भएको यो पहिलो हो ।

फेदोर्जेले ५ सय ३ मत प्राप्त गरेका छन् भने प्रतिद्वन्दी गठबन्धनबाट नेकपा एकीकृत समाजबादीका उम्मेदवार ३ सय ८७ र राप्रपाका उम्मेदवारले २ सय ६८ मत प्राप्त गरेका छन् ।

कुल १३ सय १६ मत खसेको यो वडामा पालिका अध्यक्ष र उपाध्यक्षमा भने गठबन्धन नै अगाडि छ । गठबन्धनबाट अध्यक्षका उम्मेदवारले ६ सय ५३ मत पाएका छन् भने प्रतिस्पर्धी राप्रपाका उम्मेदवारले ४ सय ४३ मत पाएका छन् । त्यस्तै उपाध्यक्षमा पनि गठबन्धनका उम्मेदवारले ६ सय ७३ मत पाएका छन् । राप्रपाका उम्मेदवारले २ सय २३ मत मात्रै प्राप्त गरेकी छन् ।