एकिकृत समाजवादी निलकण्ठ– १० को अध्यक्षमा कडरिया चयन, युवा संघ अध्यक्षमा इटनी

धादिङ : नेकपा एकिकृत समाजवादीले पछिल्लो समय देशैभर वडा तथा जिल्लाहरुमा भेला गर्ने र कमिटि गठनलाई तिव्रता दिएको छ । संगठन विस्तारलाई निरन्तरता दिने क्रममा शनिबार नेपाल कम्युनिष्ट पार्टी एकिकृत समाजवादीले धादिङको निलकण्ठ नगरपालिका वडा न। १० को वडा स्तरिय कमिटि गठन गरेको छ ।

भेलाबाट टिकानिधी कडरिया वडा कमिटि अध्यक्ष चयन भएका छन् भने सचिवमा मछिन्द्र पाठक र कोषाध्यक्षमा टुकराज कारखेती चयन भएका छन् ।

एकीकृत समाजवादीका पोलिटब्युरो सदस्य एवंम संविधान सभा सदस्य गुरुप्रसाद बुरर्लाकोटीको प्रमुख आतिथ्यतामा पहिलो वडा भेला सम्पन्न भएको हो ।

११ सदस्यीय वडा कमिटि गठन गरेको भेलाले शंकर जङ्ग इटनीको अध्यक्षतामा ३ सदस्यीय युवा संघ समेत गठन गरेको छ । युवा संघ सदस्यमा मछिन्द्र पाठक र सुमन पाठक चयन भएका छन् । भेलामा विभिन्न पार्टी परित्याग गरी थुप्रै युवाहरु नेकपा एकिकृत समाजवादी प्रवेश गरेका थिए । कार्यक्रममा नेकपा समाजवादीका नेता तथा कार्यकर्ताको बाक्लो उपस्थिति रहेको थियो ।