नीलकण्ठका किसानलाई जै तथा बर्षिम घाँसको बिउ वितरण

धादिङ– नीलकण्ठ नगरपालिकाले किसानहरुलाई जै घाँस र बर्षिम घाँसको बीउ वितरण सुरु गरेको छ ।

पशुपंक्षी बिकास शाखाको स्विकृत वार्षिक घाँसको बिउ बेर्ना हिउदे तथा बर्षे वितरण कार्यक्रम अन्तर्गत ५० प्रतिशत अनुदानमा घाँसको बीउ वितरण गरेको हो । यो अनुदानको बीउ यस अघि नै माग गरेका किसानले मात्रै पाउनेछन् ।

यो हिउँदे सिजनका लागि ६ हजार किलो जै घाँस र एक सय ५० किलो बर्षिक घाँस वितरण गरिनेछ । ‘५०% अनुदान कार्यक्रम अन्तर्गत सुचना प्रकाशन भए बमोजिम वडा कार्यालयमा प्राप्त हुन आएको माग निवेदकको आधारमा बीउ वितरण गरिएको हो’ पशुपंक्षी बिकास शाखा प्रमुख काशीराज रेग्मीले भने ।

प्राप्त निवेदन र सुचनामा नाम आएका किसानले जै तथा बर्षिम घासको बिउ १० दिनभित्र पशुपंक्षी बिकास शाखामा भर्पाइ सहित रकम बुझाएर बीउ लिन पशुपंक्षी बिकास शाखाले अनुरोध गरेको छ ।