बागमती प्रदेशले ५५ अर्ब हाराहारीमा बजेट ल्याउदै, पहिलो प्राथमिकतामा 'स्वास्थ्य'

हेटौंडा–
बागमती प्रदेशले ५५ अर्ब हाराहारीको बजेट ल्याउने गरेको छ । आज अपराह्न ३ बजे बस्ने प्रदेशसभाको बैठकमा प्रदेश सरकारको आगामी आर्थिक वर्ष २०७८र७९ को बजेट सार्वजनिक गर्दै छन् ।

प्रदेश सरकारले आगामी आ.बको लागि ५५ अर्ब हाराहारीको बजेट ल्याउने तयारी गरेको छ । बजेटको प्राथमिकतामा कोभिड(१९ नियन्त्रण तथा रोकथामसहित शिक्षा र कृषि रहेको सरकारका प्रवक्ता आर्थिक मामिला तथा योजनामन्त्री कैलाशप्रसाद ढुङ्गेलले जानकारी दिए ।

बजेटमा प्रदेशका १३ वटै जिल्लालाई कोभिड संक्रमित बिरामीको उपचार, अस्पतालको स्तरोन्नति र खोप लगाउने कार्यलाई पहिलो प्राथमिकतामा राखिएको बताए । उनले प्रदेशका सबै जिल्लामा कृषिको उत्पादन, पशुपालन र रोजगारीलाई प्रत्यक्ष अवसर जुटाइनेतर्फ बजेट विनियोजित गरिने उल्लेख गरेका छन् ।