Pabil News
९ जेठ, धादिङ–
कोरोना संक्रमित धादिङको थाक्रे गाउँपालिका वडा नं ७ जुगेखोला क्षेत्रका ४१ वर्षीय पुरुषको परिवार र सम्वर्कमा रहेकाहरुको रिपोट नेगेटिभ आएको छ । जुगेखोला क्षेत्रमा १० जनाको पीसिआर परिक्षण गरिएकोमा नेगेटिभ रिपोट आएको गाउँपालिकाका उपाध्यक्ष अम्बिका रुपाखेतीले जानकारी दिइन् ।
काठमाण्डौको बागबजारमा ब्यवसाय गरेर बस्ने उनी गत चैत्र ११ गते थाक्रे स्थित गाउँ आएर २८ गते काठमाण्डौ नै फर्किएका थिए । संक्रमित व्यक्ति फेला परेपछि त्यस क्षेत्रको पुर्वका धार्केखोला पुल, पश्चिममा आडकिला मोड, उत्तरमा महेश खोला र दक्षिणमा उडुवादेवी आधारभुत विद्यालय वीचको क्षेत्रलाइ शील गरिएको छ ।
धादिङका तीन जना कोरोना संक्रमित छन् । नेत्रावती डबजोङ गाउँपालिका वडा नं ३ का पुरुष निको भएर घर फर्किएका छन् भने गल्छी गाउँपालिकाकी महिला र थाक्रे गाउँपालिका ७ का पुरुष उपचाररत छन् ।
यो पनि पढ्नुहोला
थाक्रे- ७ का एक व्यक्तिलाई कोरोनाको संक्रमण देखिएपछि गाउँ शील
२०७७ जेठ ९ गते प्रकाशित
About The Author
