Pabil News
२ भदौ, धादिङ –
नेपाल आइडलको टप ६ बाट सुरज थापा बाहिरिएका छन् । नेपाली टेलिभिजनको इतिहासमै सर्वाधिक रुचाइएको एपीवान टेलिभिजनको प्रस्तुति गायन रियालिटी सो नेपाल आइडल प्रतियोगिताको टप ६ बाट थापा बाहिरिएका हुन् ।
टप ६ बाट बाहिरिएका सुरज आधुनिक, सेमी क्लासिक र सेन्टिमेन्टल गीत मन पराउँछन्। उनलाई पुराना पुस्तामा नारायणगोपाल, भक्तराज आचार्य एवं नयाँ पुस्तामा स्वरूपराज आचार्यको स्वर मन पर्छ। आफ्नो स्वरको स्तर, मेहनत र आत्मविश्वासका कारण नेपाल आइडलको यात्रा यहाँसम्म पुगेको उनको भनाइ छ।
नेपाल आइडलको टप ५ मा बुद्ध लामा, निसान भट्टराई, सुजता पाण्डे, सागर आले र प्रताप दास छन् ।
२०७४ भदौँ २ गते प्रकाशित
About The Author
