Pabil News
२४ बैशाख, धादिङ –
धदिङको गंगाजमुना गाउँपालिकामा नेकपा एमालेको तर्फबाट अध्यक्षका उम्मेदवार बल बहादुर अधिकारी पितृशोक परेको छ ।
आईतबार विहान ३ बजे अधिकारीका बुबा पदम बहादुर अधिकारीको गंगाजमुना गाउँपालिका वडा नम्बर ५ फुलखर्क स्थित आफ्नै निवासमा ९४ बर्षको उमेरमा निधन भएको हो । विगत सात बर्ष देखी पक्षघातबाट ग्रसित अधिकारीको नया घरमा गृहप्रवेश गरेकै दिन निधन भएको हो ।
भुकम्पमा पुरानो घर भत्किए पश्चात नया घरमा सरेकै दिन उहाको मृत्युभएको हो । शनिबार चुनावी अभियानको क्रममा गंगाजमुनाको ३ को चिम्चोकमा कार्यक्रममा रहेकाबेला उम्मेदवार बलबहादुर अधिकारीले बुबाको निधनको खबर पाएका थिए ।
मृतक अधिकारी साबिकको फुलखर्क गाविसमा २५ बर्ष प्रधानपञ्च थिए ।
About The Author
