करिना कपुर बनिन् आमा, छोराको नाम पनि सार्वजनिक

०५ पुष, धादिङ-

बलिउडकी चर्चित नायिका करिना कपुरका प्रशंसकको लागि खुसीको खबर छ । करिना कपुरले छोरालाई जन्म दिएकी छिन् । नवाब पटौदी खानदानमा यो खुसीको खबर आज बिहान १० बजे आयो ।

करिना कपुरले मुम्बईको ब्रीच क्यान्डि अस्पतालमा छोरालाई जन्म दिएकी हुन् । अस्पतालमा उनीसँग श्रीमान् सेफ अली खान, सासू शर्मिला टेगोर, बहिनी करिष्मा कपुरसहित दुबै परिवारका सदस्यले थिए ।

समाचारलाई पुष्टि गर्दै करिनाका बुवा नायक रणधिर कपुरले आफूहरु निकै खुसी भएको बताउँदै बच्चा र आमा दुबैको स्वास्थ्य राम्रो भएको जानकारी दिए ।

छोराको जन्मलगत्तै जारी गरिएको एक सूचनामार्फत आफूहरुले नवजात शिशुको नाम तैमुर अली खान पटौदी राखेको जानकारी दिए ।

सेफ अली खान र करिना कपुर सन् २०१२ अक्टोबरमा प्रणयसूत्रमा बाँधिएका थिए । योभन्दा पहिले अभिनेत्री अमृता सिंहसँग विवाह गरेका सेफ दुई सन्तानका पिता हुन् ।

२०७३ पुस ०५ गते प्रकाशित