Pabil News
१४ मंसिर, धादिङ –
धादिङ जिल्लाको शैक्षिक धरोहर मानिने निलकण्ठ वहुमुखी क्याम्पसको क्याम्पस प्रमुखमा नवराज शर्मा नियुक्त भएका छन् ।
२०५७ साल मंसिर ६ गते स्थापना भएको निलकण्ठ बुहमुखी क्याम्पसको पहिलो प्रमुख, भुपेन्द्र कुमार श्रेष्ठको कार्यकाल सकिए पछि दोस्रो क्याम्पस प्रमुखको रुपमा शर्माले नियुक्ती पाएका हुन् ।
उनले २०५० साल फागुन २० गतेदेखी आफ्नो अध्यापन यात्रा सुरु गरेका थिए भने २०५२ सालदेखी निलकण्ठ उच्च माध्यामिक विद्यालयमा अध्यापन गराउंदै आएका थिए । त्यस्तै शर्माले २०५८ सालदेखी प्लस टु पढाउन सुरु गरे ।
२०६० सालमा शिक्षा सेवा आयोगको निम्न माध्यामिक तह स्तरिय परिक्षा पास गरेपछि अङ्ग्रेजी विषय पढाऊंदै आएका उनले २०६३ सालदेखी निलकण्ठ बहुमुखी क्याम्पसमा अध्यापन सुरु गरे ।
त्यस्तै २०७१ सालदेखी माध्यामिक तहमा एकाउन्ट विषयमा स्थाई शिक्षकको रुपमा नियुक्ती पाए । निलकण्ठ बहुमुखी क्याम्पसमा सहायक क्याम्पस प्रमुखको जिम्वेवारी बहन गर्दै आएका उनि आज मंगलबारबाट क्याम्पस प्रमुखको रुपमा नियुक्त भएका हु्न् ।
About The Author
