Pabil News
२४ साउन, धादिङ – प्रतिनिधि विवादका कारण नेपाल विद्यार्थी संघको बन्दसत्र स्थगित भएको छ ।
विवाद नमिलेपछि सोमबार बिहान ११ बजेदेखि सुरु हुने भनिएको बन्दसत्र स्थगित गरिएको प्रवक्ता युपी लामिछानेले बताए।
नेताहरुले भागबन्डा गरेर महाधिवेशन प्रतिनिधिहरु छानिएको भन्दै नेविसंघको एक समूह असन्तुष्ट छ । नेता कुन्दन काफ्ले नेतृत्वको समूहले विधिसम्मत ढंगले महाधिवेशन प्रतिनिधिहरु छनोट नगरिएसम्म महाधिवेशन सञ्चालन गर्न नदिने अडान लिएको छ ।
नेविसंघको विधानअनुसार २३ सय प्रतिनिधि हुनुपर्ने हो। अहिले ३३ सय प्रतिनिधि छन्। अरु ११ जिल्लाका थपिन बाँकी छन्। प्रतिनिधि छनोट विधानसम्मत नभएको आरोप एक पक्षले लगाउँदै आएको छ।
About The Author
