फ्रान्समा ट्रकले किचेर ६० जनाको मृत्यु

३१ असार, धादिङ – फ्रान्समा ट्रकले किचेर ६० जनाको मृत्यु भएको छ । भीडभाडका बेला ठूलो ट्रक गुड्दा दुर्घटना भएको हो । दुर्घटनामा ७० जना घाइते भएका अनुमान गरिएको छ ।

फ्रान्सको नीस शहरमा बास्टिल डे मनाइरहेका बेला यो घटना भएको हो । बास्टिल डे लाई फ्रान्समा राष्ट्रिय दिवसका रुपमा मनाउने गरिएको छ । दिवसको अवसरमा उत्सव मनाइरहेको भीडमा ट्रक गुुड्दा हताहती भएको स्थानीय अधिकारीहरुले बताएका छन् ।

ट्रकलाई रोक्न प्रहरीले गोली चलाएको र चालकको ज्यान गएको बिबिसीले जनाएको छ । घटनापछि फ्रान्सका राष्ट्रपति फ्रस्वाँ होल्याण्डले आपत्तकालिन बैठक बोलाएका छन् । यो घटना नियोजित भएको हुन सक्ने आशंका गरिएको छ । गएको वर्ष राजधानी पेरिसमा विद्रोही संगठन आइएसले आक्रमण गर्दा फ्रान्समा आपत्तकालिन अवस्था लागू गरिएको छ । विद्रोही समूह आइएसले पेरिसमा गरेको आक्रमणमा १३० जनाको ज्यान गएको थियो ।