Pabil News
१६ असार, धादिङ – अफगानिस्तानको राजधानी काबुलमा बिहीबार फेरि आतंकवादी आत्मघाती हमला भएको छ ।
हमलामा कम्तीमा ४० जना मारिएको बीबीसीले जनाएको छ । काबुलबाट पश्चिममा रहेको पागमान शहरमा आयोजित एउटा समारोहबाट फर्किने क्रममा काला ए हैदर खान गाउँमा दुईजना हमलाकारीले आत्मघाती बम विस्फोट गराएर पुलिसको गाडीमा निशाना बनाएको समाचारमा जनाइएको छ ।
यो आक्रमणको जिम्मा त्यहाँको आतंकवादी संगठन तालिबानले लिएको छ ।
यसअघि अफगानिस्तानको काबुलमा आत्मघाती हमलामा परी १३ नेपाली मारिएका थिए भने ५ जना घाइते छन् ।
About The Author
