स्पेनको शानदार जित

४ असार, धादिङ – स्पेन युरोकप फुटबलको अन्तिम १६ मा प्रवेश गरेको छ ।

लगातार दोस्रो जितसँगै दुई पटकको डिफेन्डिङ च्याम्पियन स्पेनले समूह चरणको एक खेल अघि नै प्रिक्वाटरफाइनलमा स्थान बनाएको हो । शुक्रबार राति नाइसमा भएको खेलमा स्पेनले टर्कीलाई ३–० ले हरायो । स्पेनको जितमा अलभारो मोराटाले दुई तथा नोलिटोले एक गोल गरे । स्पेन जारी युरोकपमा दुई भन्दा धेरै गोल गर्ने पहिलो टिम बनेको छ ।

३४ औं मिनेटमा मोराटाले व्यक्तिगत पहिलो गोल गर्दै स्पेनलाई अग्रता दिलाए । नोलिटोले ३७ औं मिनेटमा गोल गरेपछि स्पेनले पहिलो हाफमा २–० को अग्रता लियो । दोस्रो हाफको तेस्रो मिनेटमा नै मोराटाले स्पेनको अग्रता ३–० मा पु¥याए । त्यसपछि खेलमा दुवै तर्फबाट गोल हुन सकेन र स्पेन ३–० ले विजयी भयो । टर्कीले गोल गर्ने केही मौका गुमायो ।