विश्व विजेता जमर्नी इंग्ल्याण्डसँग पराजित

१४ चैत, धादिङ विश्व विजेता जमर्नी मैत्रीपूर्ण फुटबलमा इंग्ल्याण्डसँग पराजित भएको छ ।

आइतबार बिहान बर्लिनमा भएको खेलमा इंग्ल्याण्डले घरेलु टोली जर्मनीलाई ३–२ ले हराएको हो । ६० मिनेटसम्म २–० ले पछि परेको अवस्थालाई उल्ट्याएर इंग्ल्याण्डले नतिजा आफ्नो पक्षमा पारेको हो ।

४३ औं मिनेटमा टोनी क्रोसले गोल गर्दै जर्मनीलाई सुरुवाती अग्रता दिलाए । ५७ औं मिनेटमा मारियो गोजमेले जर्मनीको अग्रता दोब्बर पारे । ६१ औं मिनेटमा ह्यारी केनले इंग्ल्याण्डका लागि पहिलो गोल गरे । ७४ औं मिनेटमा जेमी भर्डीले गोल गरेपछि खेल २–२ को बराबरीमा आयो ।

इन्जिुरी समयमा एरिक डिएरले गोल गर्दै इंग्ल्याण्डलाई ३–२ को जित दिलाए । यस्तै गएराति नै भएका अन्य मैत्रीपूर्ण खेलमा पोल्याण्डले फिनल्याण्डलाई ५–०, रुसले लिथुवानीयालाई ३–०, अस्ट्रियाले अल्बानियालाई २–१ तथा काजकस्तानले अजरबैजानलाई १–० ले हरायो । हंगेरी र क्रोएसियाले १–१ को बराबरी खेले ।