एसएलसीका लागि धादिङका परीक्षा केन्द्रहरुमा उत्तर पुस्तिका पठाइदैँ

५ चैत, धादिङ – आगामी चैत १८ गतेदखि संचालन हुने प्रवेशिका परीक्षाका लागि धादिङमा तीब्र तयारी गरिएको छ ।

एसएलसीका लागि अहिले प्रत्येक केन्द्रहरुमा उत्तर पुस्तिका पठाउने कार्य भइरहेकको जिल्ला शिक्षा कार्यलय धादिङले जनाएको छ । एसएलसी परीक्षाका लागि धादिङमा यस वर्ष २६ वटा केन्द्र निर्धारण गरिएको छ ।

जिल्ला शिक्षा अधिकारी रेनुका पाण्डेका अनुसार सदरमुकाम आसपासका परीक्षा केन्द्रहरुमा उत्तरपुस्तिका पठाइसकेको भएपनि उत्तरी क्षेत्रमा उत्तरपुस्तिका पठाउन समस्या भएको जानकारी दिइन् ।

सदरमुकामबाट टाढा पर्ने उत्तरी क्षेत्रको दार्खा, सल्यानकोट, गुम्दी, फूलखर्क, बुढाथुम, सत्यदेवी लगायतका केन्द्रहरुमा समस्या भएको जिशिअ पाण्डेले बताइन् । उत्तर पुस्तिकाका लागि केन्द्रलाई जिम्मा दिइ सकेको बताइएको छ ।