राष्ट्रिय बाणिज्य बैंकको सीईओमा पाँच जना सिफारिस

१ फागुन, धादिङ राष्ट्रिय बाणिज्य बैंकको रिक्त रहेको प्रमुख कार्यकारी अधिकृतका लागि पाँच जनाको नाम सिफारिस भएको छ । अर्थ मन्त्रालयका सहसचिव कृष्ण देवकोटा संयोजकत्वको सीईओ छनोट समितिले सरकारलाई नाम सिफारिस गरेको हो ।

सीइओ बन्नका लागि १६ जनाले आवेदन दिएका थिए । जसमध्ये वाणिज्य बैककै पूर्व सीईओ कृष्णप्रसाद शर्मा, कर्मचारी सञ्चय कोषका प्रशासक कृष्ण आचार्य, वाणिज्य बैंककै निमित्त सीईओ भेषराज पन्थी, कृषि विकास बैंकका डेपुटी अनिल उपाध्याय र नेपाल बैंकका पूर्व डेपुटी किशोर श्रेष्ठको नाम नयाँ सीईओको लागि सिफारिस भएको हो ।

सिफारिसमा परेकाहरु मध्ये सरकारले अन्तर्वार्ता, अनुभव, शैक्षिक योग्ता र विजनेश प्लानलाई आधार मानेर छनोट गरिने बताइएको छ ।