कोपा डेल रेको उपाधिका लागि बार्सिलोना सेभिल्लासँग खेल्ने

२९ माघ – कोपा डेल रेको उपाधिका लागि सेभिल्लाले बार्सिलोनासँग खेल्ने भएको छ । बिहीबार राति भएको सेमिफाइनलको दोस्रो लेगमा सेल्टा डी भिगोसँग २–२ को बराबरीमा रोकिएको सेभिल्ला समग्रमा ६–२ को जितसहित फाइनलमा प्रवेश गरेको हो । पहिलो हाफमा सेभिल्ला ४–० ले विजयी भएको थियो ।

३५ र ५५ औं मिनेटमा लागो आसपासले गोल गर्दै सेल्टा डी भिगोलाई २–० को अग्रता दिलाएका थिए । तर सेभिल्लाका लागि ५७ औं मिनेटमा बानेगा तथा ८७ औं मिनेटमा कोनोप्लेयन्काले गोल गर्दै खेल २–२ को बराबरीमा ल्याए । इन्जुरी समयमा एनजोनजी रातो कार्डखाँदै बाहिरिएपछि सेभिल्ला केही समय १० खेलाडिमा सीमित भएको थियो ।

बुधबार राति भएको सेमिफाइनलको दोस्रो लेगमा भ्यालेन्सियासँग १–१ को बराबरीमा रोकिएको बार्सिलोना समग्रमा ८–१ को जितसहित फाइनलमा पुगेको छ । अब उपाधिका लागि बार्सिलोना र सेभिल्लाबिच प्रतिस्पर्धा हुनेछ ।