कांग्रेस सभापति सुशील कोइरालाको निधन

२६ माघ, धादिङ – नेपाली कांग्रेसका सभापति तथा पूर्व प्रधानमन्त्री सुशील कोइरालाको निधन भएको छ ।  निमोनियाका कारण मंगलबार बिहान १२ बजेर ५० मिनेट जाँदा उनको निधन भएको हो ।

कांग्रेस निकट विद्यार्थी संघका प्रवक्ता यूपी लामिछानेले निधनबारे पुष्टि गर्दै  रातोपाटीसँग भने, ‘आज बिहान १२ः५० बजे सभापतिज्यूको आफ्नै निवास महाराजगन्जमा निधन भएको छ ।’ निमोनियाको समस्याले एक्कासी च्यापेपछि अस्पताल आस्पताल समेत लैजान नपाई ७६ वर्षीय कोइरालाको एक्कासी निधन भएको हो ।

कोइरालाला केहि दिनयता अस्वस्थ्य रहेका थिए भने अस्वस्थ्यताकाबीच पनि महाधिवेशनको दौडधूपमा व्यस्त थिए । तर अस्वस्थ्य भएपछि कोइराला सोमबार भने निर्धारित  कार्यक्रममा सहभागी हुन सकेका थिएनन् । उनी काठमाडौं  महाधिवेशनको उद्घाटन कार्यक्रममा सहभागि हुने पूर्व निर्धारित कार्यक्रम भएको भएपनि स्वास्थ्यल साथ नदिदा सहभागि हुन सकेका थिएनन् ।

यसैबीच नेपाली कांग्रेसका एक विज्ञप्ती जारी गर्दै कोइरालाको आकस्मिक निधनबाट सिंगो देश, नेपाली जनता र पार्टीपंक्ति स्तब्ध र शोकमग्न भएको जनाएको छ ।
कांग्रेस पार्टी कार्यालयका कार्यबहाक मुख्यसचिव प्रदीप पराजुलीले एक शोक  विज्ञप्ती जारी गर्दै भनेका छन्, ‘ सभापति श्री कोइरालाको आकस्मिक निधनबाट सिंगो देश, नेपाली जनता र पार्टीपंक्ति स्तब्ध र शोकमग्न भएको छ ।’
विज्ञप्तीमा कोइरालाको आकस्मिक निधनका कारणले नेपाली कांग्रेसको १३ औँ महाधिवेशनको सम्पूर्ण निर्वाचन सम्बन्धी कार्यक्रमहरु अर्को सूचना नभएसम्मका लागि स्थगित गरिएको उल्लेख गरिएको छ ।
विज्ञप्तीमा नेपाली कांग्रेस केन्द्रीय कार्यसमितिको आकस्मिक बैठक आज विहान ११ः०० बजे पार्टीको केन्द्रीय कार्यालय, बी.पी. स्मृति भवन, ललितपुरमा बोलाइएको पनि जनाइएको छ ।

–