गजुरी अस्पतालबाट नक्कली चिकित्सक पक्राउ

विगत ८ महिनादेखि उक्त अस्पतालमा कार्यरत शाहलाई प्रहरी केन्द्रीय अनुसन्धान ब्युरोको टोलीले शुक्रबार पक्राउ गरेको हो ।

एन एम सी नम्बर १३३८८ उल्लेख भएको प्रमाणपत्र पेश गरी शाह उक्त अस्पतालमा जनरल फिजिसियनको रुपमा कार्यरत थिए ।

जिल्ला प्रहरी कार्यलय धादिङका प्रहरी नायव उपरक्षिक सविन प्रधानका अनुसार गजुरी स्थित गजुरी अस्पतालमा प्रमाणपत्र नक्कली पेश गरेर काम गर्दै आएको जानकारीका आधारमा पक्राउ गरिएको जानकारी दिए ।

व्यक्तिगत रिसिबिका आधारमा उजुरी गरी उनलाई प्रहरीले पक्रेको अस्पताल प्रशासनको भनाई छ । अस्पतालका कार्यकारी निर्देशक राम कार्कीले डा.शाहले पेश गरेको डकुमेन्ट कुनै पनि नक्कली नभएको जानकारी दिए ।