बङ्बन्धु गोल्डकप : नेपाल समूह उपविजेता बन्दै सेमिफाइनलमा

१ माघ, धादिङ – बङ्बन्धु गोल्डकपअन्तर्गत समूह चरणको आफ्नो अन्तिम खेलमा नेपालले बङ्गलादेशसँग गोलरहित बराबरी खेलेको छ ।

बङ्लादेशको बङ्बन्धु रङ्गशालामा केहीबेरअघि सम्पन्न खेलमा दुवै टोलीले समान अवसर पाए पनि गोल गर्न सकेनन् । बराबरीपछि नेपाल गोल अन्तरका आधारमा समूह उपविजेता बन्दै सेमिफाइनल प्रवेश गरेको छ । बङ्गलादेश समूह विजेता बन्दै सेमिफाइनल प्रवेश ग¥यो ।

समूह चरणको अन्तिम खेलअगावै दुवै टोलीे सेमिफाइनल प्रवेश गरिसकेका थिए ।

गत वर्षको विजेता मलेसिया समूह चरणको अन्तिम खेलमा आज श्रीलङ्कासँग २–१ ले पराजित भएसँगै दुवै टोली सेमिफाइनल पुगेका हुन् ।

यसअघि समूहचरणको पहिलो र दोस्रो खेलमा नेपालले क्रमशः मलेसियासँग गोलरहित बराबरी र श्रीलङ्कालाई १–० ले पराजित गरेको थियो । रासस