सञ्चारकर्मी श्रेष्ठको “नाकाबन्दीलाई चुनौती” को भिडियो सार्वजनिक (भिडियो सहित)

धादिङ – धादिङका सञ्चारकर्मी लालकाजी श्रेष्ठले बजारमा ल्याएको नाकाबन्दीलाई चुनौती गीतको म्युजिक भिडियो सार्वजनिक गरिएको छ । सोमबार धादिङबेसीमा एक कार्यक्रमको आयोजना गरी भिडियो सार्वजनिक गरिएको हो ।

श्रेष्ठले नाबालक छोरीको असामयीक निधनबाट निजी जीवनमा पर्न आएको शोकलाई सिर्जनात्मक शक्तीमा रुपान्तरित गर्दै नेपाल र नेपालीको सम्बृद्दीको सपना साँच्दै यो स्वदेशगान सबैकालागी उपहार स्वरुप सार्वजनिक गरिएको बताए ।

राष्ट्रमाथी लगाइएको अनाहकको नाकाबन्दी र बारम्बार भइरहने अनावश्यक हस्तशेपका बिरुद्द्मा आवाज बुलन्द गर्दै आत्मनिर्भर बन्न तर्फ लागौँ भन्ने भावना समेटिएको यस गीतमा नेतृत्व तहलाई पनि अन्यायीका सामु नझुक्न निर्देश गरिएको छ। यो स्वदेशगान हामी सबैको साझा आवाज भएकोले सम्पूर्ण नेपालीहरुले यश गीतलाई आफ्नै ढुकढुकीको उद्गार सम्झिनुहुनेछ भन्ने आशा राखेको गीतकार श्रेष्ठले बताए ।

श्रेष्ठको स्वर, शब्द र संगीत रहेको गीतको हरी सिलवालले निर्देशन गरेका हुन् । भिडियोमा डाक्टर रामथापा क्षेत्री र पत्रकार सरिता श्रेष्ठ, टिका श्रेष्ठ, सरिता नेपाली लगायतले अभिनय गरेका छन् ।

नाकाबन्दीलाई चुनौती