Pabil News
काठमाडौं – कोपा अमेरिका फुटबलको उपाधि अर्जेन्टिनाले जितेको छ । मिआमीमा आज बिहान भएको खेलमा कोलम्बियालाई १–० गोलले हराउँदै अर्जेन्टिनाले उपाधि जितेको हो ।
अर्जेन्टिनाको जितमा लाउटारो मार्टिनेजले १ सय १२ मिनेटमा गरेको गोल नै पर्याप्त बन्यो । निर्धारित समयमा गोलरहित बराबरीमा खेल सकिएपछि अतिरिक्त समयमा धकेलिएको थियो । कोपामा पहिलो पटक थप ३० मिनेट थपिएको थियो ।
अर्जेन्टिनाले १६औँ पटक कोपा अमेरिकाको उपाधि जितेको हो । कोलम्बिया २३ वर्षपछि फाइनलमा पुगे पनि उपाधि जित्न असफल भयो ।
अर्जेन्टिनी टोलीले सन् १९२१ मा पहिलो पटक कोपा–अमेरिकाको उपाधि जितेको थियो । अन्तिम पटक भने अर्जेन्टिना सन् २०२१ मा च्याम्पियन बनेको थियो
About The Author
