प्रतिभाको खोजी गर्दै मकवानपुर आइडल -२०७२ हुने

मकवानपुर – थाहा कला केन्द्र मकवानपुरले मकवानपुर आइडल २०७२ संचालन गर्ने भएको छ ।

“कला र संस्कृती देशको पहिचान,यसको स्ररक्षण हाम्रो अभियान” भन्ने नाराका साथ जिल्ला स्तरिय एकल गायन प्रतियोगिता ९मकवानपुर आइडल २०७२० गर्ने भएको छ । यसै वर्ष स्थापना भएको केन्द्रले मकवानपुरको थाहा नगरपालिकामा विगत लामो समय देखिको अनुभवलाई मध्यनजर गर्दैै विभिन्न क्षेत्रमा छरिएर रहेका प्रतिभालाई प्रस्फुटित गराउने लक्ष्यका साथ यस कार्यक्रमको आयोजना गर्न लागिएको हो ।

मकवानपुरको गोगने गाउँ विकास समितिबाट पहिलो चरणको प्रारम्भिक अडिसन छनौट सुरु गरेको छ । गोगने गाविसबाट सुरु भएको प्रतियोगितामा ३३ जनाको सहभागिता रहेको थियो । जसमध्ये दोस्रो चरणको लागि ११ जना मात्रै प्रवेश भएका छन् । यसै गरि लगातार मकवानपुरको आग्रा गाविसमा यहि भदौ १८ गते शुक्रबार र थाहा नगरपालिकाका वज्रवाराहाीमा भाद्र २६ गते प्रारम्भिक अडिसनहरु हुने भएको छ ।

मकवानपुरको विभिन्न ठाउँहरुमा प्रारम्भिक अडिसनहरु काक्तिक महिना सम्म सक्ने थाहा कला केन्द्रको अध्यक्ष सानोवावु मोत्तानले बताए । २०७३ साल नयाँ वर्षको अवसर पारेर फाइनल अडिसन गर्ने गरि प्रारम्भिक अडिसन छनौट सुरु गरिएको छ ।