गिरिजाबाबु नभएको भए देशमा गणतन्त्र आउँदैनथ्यो : देउवा

काठमाडौँ । नेपाली काँग्रेसका सभापति एवं पूर्वप्रधानमन्त्री शेरबहादुर देउवाले तत्कालीन पार्टी सभापति स्व। गिरिजाप्रसाद कोईरालाकै कारण देशमा गणतन्त्र आएको बताएका छन् ।

मंगलवार पार्टी कार्यालय सानेपामा आयोजित स्व। कोईरालालको क्रान्तिदेखि शान्तिसम्म फोटो प्रदर्शनीका क्रममा उनले कोइराला नभएको भए गणतन्त्र नआउने बताए । उनले स्व। कोईराला २००७ सालको क्रान्तिदेखि नेपालको राजनीतिमा क्रियाशील, सक्रिय र जुझारु व्यक्तित्व रहेको बताए ।

गिरिजाका कारण देशमा प्रजातन्त्र मात्रै नफर्किएको भन्दै देउवाले गिरिजाकै कारण नेपालमा गणतन्त्रसम्म आएको बताए । उनले आफूले विद्यार्थी बेलामा नै गिरिजालाई चिनेको र गिरिजाकै सहयोगमा विश्वविद्यालयको चुनावमा जाँदा आफू पराजित भएको पनि स्मरण गरे ।

‘गिरिजाबाबु नभएको देशमा गणतन्त्र पनि आउँदैन थियो । त्यसैले गिरिजाबाबु २००७ सालको क्रान्तिदेखि नेपालको राजनीतिमा अत्यन्तै क्रियाशिल, सक्रिय र जुझारु व्यक्तित्व हुनुहुन्थ्यो । त्यो कारणले नेपालमा प्रजातन्त्र मात्रै फर्किएन, गणतन्त्रसमेत आएको छ,’ देउवाले भने, ‘मैले विद्यार्थी बेलामा नै उहाँलाई चिनेको हो । त्यो बेलामा उनले विश्वविद्यालयको चुनावमा समर्थन गरेको थियो, पहिलो इलेक्शनमा म हारेको हो ।