ससाहको देउराली माध्यामिक विद्यालयमा सितोरियो कराते डोजोको प्रथम ग्रेडिङ सम्पन्न

धादिङ -नीलकण्ठ नगरपालिका वडा नं ८ ससाहमा रहेको देउराली माध्यामिक विद्यालयमा सितोरियो कराते डोजोको प्रथम ग्रेडिङ कार्यक्रम सम्पन्न भएको छ । विद्यालय व्यवस्थापन समितिका अध्यक्ष रमेश कोईरालाको अध्यक्षतामा भएको कार्यक्रममा धादिङ जिल्ला सितोरियो कराते डोजोको प्रमुख प्रशिक्षक भिम बहादुर गुरुङको प्रमुख आतिथ्यता रहेको थियो ।

कार्यक्रमलाई सम्बोधन गर्दै प्रमुख अतिथि भिम बहादुर गुरुङले सबै खेलको आधारभुत जग कराते रहेको हुनाले अनुशासन, स्वस्थ र शारीरिक तन्दुरुस्तीको खेल लागि महवपूर्ण रहेको बताएका छन् । त्यस्तै व्यवस्थापन समितिका अध्यक्ष रमेश कोईरालाले पछिल्लो समय नेपालमा कराते खेलको अवधारणा व्यापक बन्दै गएको कारणले खेल खेलेर पनि जीवन निर्वाह गर्न सकिन्छ भन्ने सोचको विकास भएकोले बताए ।

देउराली माध्यामिक विद्यालय सितोरियो कराते डोजोका प्रशिक्षक सुदिप श्रेष्ठले सहजिकरण गर्दै कार्यक्रममा ३० जना विद्यार्थिले प्रथम जुनियर ग्रेडिङ सम्पन्न गरेका छन् ।

कार्यक्रममा प्रदेश स्तरिय खेलाडी रितु खड्का, रिदिमा खड्का, साजन घले र सचिन तामाङको जोडिले स्पाईरिङ (काता ) प्रस्तुत गरेका थिए । कराते प्रशिक्षकहरु शेर बहादुर तामाङ, अनिल बराईली,रमेश कुमार श्रेष्ठ विद्यालय व्यवस्थापन समितिका सदस्यहरू, शिक्षक एवं अभिभावकहरु लगायतको सहभागिता रहेको कार्यक्रममा विद्यालयका प्रधानाध्यापक खिलबहादुर धमलाले स्वागत मन्तव्य रखेका थिए।