जिल्ला स्तरीय कराँते प्रतियोगितामा धादिङबेसी डोजो विजयी

धादिङ– धादिङमा आयोजित जिल्ला स्तरीय कराँते प्रतियोगितामा धादिङबेसी सितोरियो कराँते (डोजो) विजयी भएको छ ।

काता र फाइट गरी दुई विधामा भएको खेलमा १२ स्वर्ण, ५ रजत र ५ कास्य जित्दै धादिङबेसी डोजो विजयी बनेको हो ।

२ स्वर्ण, ७ रजत, ७ कास्य हात पार्दै सेर्तुङ सितोरियो कराँते दोश्रो भएको छ भने ४ स्वर्ण, १ रजत र ५ कास्यसहित लापा सितोरियो कराँते तेश्रो भएको छ । प्रतियोगितामा निगालपानी सितोरियो कराँतेको समूहले १ स्वर्ण, ५ रजत र ५ कास्य जितेको छ ।

असोज २० गते शनिबारदेखि सुरु भएको प्रतियोगितामा २० देखि ६० किलो वजनका खेलाडीहरू सहभागी थिए । जिल्ला स्तरीय कराँते प्रतियोगिता आयोजना गरिएको यो नै पहिलो हो । धादिङमा तीन सय भन्दा धेरै सितोरियो कराँते खेलाडी छन् ।