Pabil News
अनगिन्ती तारा आकाशमा
मात्रै तिमी मेरो मन बासमा ।
खोजी हेर्दा संसार सबैतिर
तिमी नै भेंटें यो दिल पासमा ।
अप्सराको वर्णन गर्नु बेकार
तिमी पो सुन्दर छौ खासमा ।
रूप भन्दा अझ मनकी धनी
हराउँदैछु म त्यो प्रेम रासमा ।
छट्पटीमै बिहानी मुस्कुराउँछ
धड्किन्छ्यौ तिमी हर श्वासमा ।
अनगिन्ती तारा आकाशमा
मात्रै तिमी मेरो मन बासमा ।
(गजलकार: जिल्ला प्रशासन कार्यालय धादिङका प्रमुख जिल्ला अधिकारी हुन् ।)
About The Author
