धादिङका मुवाँथाई खेलाडी संगठित !

धादिङ– धादिङका मुवाँथाई खेलाडीहरु संगठित भएका छन् । खेलाडीहरुले मिलन तामाङ अध्यक्ष रहने गरि जिल्ला संघ गठन गरेका छन् ।

शुक्रबार धादिङबेसीमा सम्पन्न खेलाडीहरुको भेलाले उपाध्यक्षमा ज्यामेन्दा ताामाङ(सविना) र मुकेश लुईटेल खत्री, सचिवमा ईश्वरी प्रसाद आचार्य र कोषाध्यक्षमा अर्जुन तिमल्सिनालाई चयन गरेको छ ।सदस्यहरुमा किरण विश्वकर्मा, सुनिल भण्डारी, सारिका धमला र स्नेह श्रेष्ठलाई चयन गरेको छ ।

नवगठित टीमलाई बधाई दिँदै जिल्ला खेलकुद विकास समिति धादिङका अध्यक्ष प्रतावसिं तामाङले धादिङमा आगामी दिनमा मुवाँथाईको प्रतियाोगिताहरु संचालन गर्दै जाने बताए । मुवाँथाईलाई आवश्यक पर्ने खेलकुद सामाग्रीहरु समेत उपलब्ध गराउने तामाङले प्रतिवद्धता व्यक्त गरेका छन् । मुवाँथाई थाईल्याण्डबाट सुरु भएको किक बक्सिङ जस्तै खेल हो ।