नेपाल घरेलु तथा साना उद्योग महासंघ धादिङमा नयाँ नेतृत्व

धादिङ- नेपाल घरेलु तथा साना उद्योग महासंघ जिल्ला शाखा धादिङको अध्यक्षमा नवराज छत्कुली चयन भएका छन् ।

सोमबार सम्पन्न महासंघको११ औं जिल्ला सम्मेलनबाट छत्कुली अध्यक्षमा चयन भएका हुन् । महासंघको बरिष्ठ उपाध्यक्षमा चिना माया श्रेष्ठ, उपाध्यक्षमा काजी श्रेष्ठ, महासचिवमा विष्णु हरि लम्साल र कोषाध्यक्षमा भक्त बहादुर रेग्मी (कृष्ण) चयन भएका छन् ।

सदस्यहरुमा विमला घिमिरे, चेली माया तामाङ, रमेश ढुंगाना, छवी प्रसाद काप्री, सुजन श्रेष्ठ, रामकृष्ण स्यावा, केशवराज शर्मा, राम बहादुर नेपाली र भगवान भट्ट चयन भएका छन् ।

अधिवेशनले महिला उद्यमी समितिको अध्यक्षमा सिता दुवाडी खनाललाई चयन गरेको छ । जसको बरिष्ठ उपाध्यक्षमा भगवती पोखरेल, उपाध्यक्षमा गौरी माया श्रेष्ठ, महासचिवमा सम्झना पण्डित लामिछाने, कोषाध्यक्षमा जानुका भट्ट अधिकारी चयन भएकी छन् भने सदस्यहरुमा देवकी कोईराला, प्रगति अर्याल, माया देवी थापा मगर, सोना श्रेष्ठ, तेज कुमारी लम्साल, दुर्गा अधिकारी, सिता श्रेष्ठ, सिर्जना गुरुङ, सावित्री श्रेष्ठ र ईन्दिरा पौडेल अधिकारी चयन भएकी छन् ।