धुनिवेशीका प्रमुख उपप्रमुखलाई मच्छिन्द्र माविको सम्मान

धादिङ- धादिङको धुनिवेशी नगरपालिका वडा नम्बर ७ मा रहेको मच्छिन्द्र माध्यमिक विद्यालयले नगरप्रमुख, नगर उपप्रमुख र निवर्तमान नगर उपप्रमुख सहित अन्य व्यक्तित्वहरुलाई सम्मान गरेको छ । विद्यालयको ५३ औँ वार्षिक उत्सवको अवसरमा आयोजित कार्यक्रममा उनिहरुलाई दोसल्ला र सम्मानपत्र सहित सम्मान गरिएको हो ।

विद्यालयको भौतिक तथा शैक्षिक सुधारको पक्षमा अमुल्य योगदान गरेको र आगामी दिनमा पनि सहयोग, सद्भाव अनि मार्गदर्शनको अपेक्षाका साथ धुनिबेसी नगरपालिकाका प्रमुख बालकृष्ण आचार्य, उपप्रमुख सुरज उप्रेती र पुर्व नगर उपप्रमुख निरु खरेललाई सम्मान गरिएको विद्यालय व्यवस्थापन समितीका अध्यक्ष शेखर कार्कीले बताए ।

यस्तै विद्यालयले अवकाश प्राप्त पुर्व शिक्षक दिनेश राय यादव, गिता पाठक र देवी कुमारी ओली सहित जग्गादातालाई पनि दोसल्ला र सम्मानपत्र सहित सम्मान गरेको विद्यालयका प्रधानाध्यापक राम प्रसाद अधिकारीले बताए ।

वार्षिक उत्सवको अवसरमा आयोजित विभिन्न खेलमा सफल भएका विद्यार्थीहरुलाई पनि पुरस्कार प्रदान गरिएको छ । यसैगरी विद्यालयको शैक्षिक गुणस्तर सुधारमा योगदान गरेको भन्दै विभिन्न व्यक्तिहरुलाई पनि प्रशँसा पत्र प्रदान गरिएको छ ।