Pabil News
धादिङ– धादिङको गल्छि गाउँपालिका–६ चिरौदी पुल नजिकै दुर्घटना हुँदा २ जनाको मृत्यु भएको छ । भारतीय नम्बरको ट्रेलरले बागमती प्रदेश–०१–०२५च ७८७२ जिपलाई ठक्कर दिँदा जिपमा सवार २ जनाको मृत्यु भएको हो ।
जीपमा सवार धादिङको ज्वालामुखी गाउँपालिका–१ का ३० वर्र्षीय ज्ञानबहादुर नेपाली र २५ वर्षीय राजेन्द्र तामाङको मृत्यु भएको जिल्ला प्रहरी कार्यालय धादिङका प्रहरी निरिक्षक रमेश थापाले जानकारी दिए । दुर्घटनामा ट्रेलरका चालक र सहचालक पनि घाइते भएका थिए । सामान्य उपचारपछि चालक र सहचालकलाई प्रहरीले नियन्त्रणमा लिएको छ ।
चितवनबाट काठमाडौं जाँदै गरेको ट्रेलरले गत राती जिपलाई ठक्कर दिएको हो । ठक्करबाट जिप सडकमै पल्टिएको छ ।
About The Author
