एसएलसीमा उत्कृष्ट अंक ल्याउने विद्यार्थीहरुलाई सम्मान

धादिङ – चिल्ड्रेनपार्क आवासिय उच्च माध्यामिक विद्यालय धादिङवेसीले एसएलसी परीक्षामा सफल विद्यार्थीहरुलाई शुभकामना तथा अभिभावक सम्मान कार्यक्रम सम्पन्न गरेको छ ।

एसएलसी परीक्षा २०७१ मा ३५ जना विद्यार्थी विशिष्ट श्रेणिमा र ८ जना विद्यार्थीलाई प्रथम श्रेणिमा उत्तिर्ण गराउन सफल चिल्ड्रेनपार्क आवासिय उच्च माध्यामिक विद्यालयले शुक्रबार एक कार्यक्रमका विच विद्यार्थीहरुलाई सम्मान गरेको हो । विद्यालय व्यवस्थापन समितिका अध्यक्ष विनोदमान श्रेष्ठको अध्यक्षतामा सम्पन्न कार्यक्रममा पुर्व शिक्षा मन्त्री एवं सभाषद् गंगालाल तुलाधर, विद्यालय सल्लाहाकार समितीका अध्यक्ष विष्णु कुमार श्रेष्ठ, अभिभाक, विद्यार्थी लगायतको उपस्थिती रहेको थियो ।

कार्यक्रममा बोल्दै पुर्व शिक्षा मन्त्री एवं सभाषद् तुलाधरले चिल्ड्रेनपार्क आवासिय उच्च माध्यामिक विद्यालय हरेक वर्षको एसएलसी परिक्षामा उत्कृष्ट नतिजा ल्याएर जिल्लाको शैक्षिक उन्नतीमा अब्बल भुमिका खैल्दै आएकोमा खुशी व्यक्त गर्नुभयो । साथै उहाँले हरेक विद्यालयले शैक्षिक गुणस्तरमा विशेष ध्यान दिनुपर्ने स्पष्ट पार्नुभयो ।