Pabil News
काठमाडौं– नेपालको महिला फुटबल टोलीले आज (आइतबार) बंगलादेशसँग दोस्रो मैत्रीपूर्ण खेल खेल्दै छ।
नेपालले घरेलु मैदान त्रिपुरेश्वरस्थित दशरथ रंगशालामा बंगलादेशसँग प्रतिस्पर्धा गर्नेछ। नेपाल र बंगलादेशबीचको खेल अपराह्न ५ बजे सुरु हुनेछ। बिहीबार भएको पहिलो खेलमा नेपालले २–१ को जित निकालेको थियो ।
एएफसी महिला एसियन कप–२०२२ छनोटको तयारीका लागि नेपालले बंगलादेशसँग मैत्रीपूर्ण खेल खेलिरहेको हो।
उज्वेकिस्तामा हुने छनोटको समूह ‘एफ’ मा नेपाल, फिलिपिन्स र हङकङ रहेका छन् भने बंगलादेश रहेको समूह ‘जी’ मा जोर्डन र इरान छन्।
समूह विजेताले सन् २०२२ जनवरी २० देखि फेब्रुअरी ६ सम्म भारतमा हुने एएफसी महिला एसियन कपमा स्थान बनाउनेछ।
About The Author
