Pabil News
१९ पुस, धादिङ –
मुक्तिनाथ बिकास बैँक लि.ले आयोजना गरेको खुल्ला रक्तदान कार्यक्रममा एक सय ११ जनाले रक्तदान गरेका छन् ।
बैकको चौँधौँ बार्षिकोत्सबको अबसरमा शाखा कार्यालय, धादिङबेशीको प्राङ्गणमा आयोजना गरिएको कार्यक्रममा २२ जना महिला तथा ८९ जना पुरुषले रक्तदान गरेका हुन् ।
नेपाल रेडक्रस सोसाइटी, रक्तसञ्चार सेवा केन्द्रको प्राविधिक सहयोगमा सञ्चालन गरिएको कार्यक्रममा बैकका कर्मचारी, ग्राहक, स्थानिय बासिन्दाहरुले रक्तदान गरेका थिए ।
बैँकले आफ्नो १४ औँ स्थापना दिबसको अबसर पारेर सँस्थागत सामाजिक उत्तरदायित्व अन्तर्गत देशभर ६ ठाँउमा खुल्ला रक्तदान कार्यक्रम आयोजना गरेको बैँकका धादिङ क्लस्टर प्रमुख सुरेन्द्र कुमार श्रेष्ठले जानकारी दिए ।
२०७६ पुस १९ गते प्रकाशित
About The Author
