मुख्यमन्त्री पवन चाम्लिङका छोरा इन्टरटेनमेन्टको व्यवस्थापनमा सञ्चालन हुने

काठमाडौ, कार्तिक २७ सोल्टी होटलस्थित दुई वर्षदेखि बन्द क्यासिनो नेपाल सिक्किमका मुख्यमन्त्री पवन चाम्लिङका छोरा विकासको माजोन इन्टरटेनमेन्टको व्यवस्थापनमा सञ्चालन हुने भएको छ । उद्यमी विनोद श्रेष्ठको नेतृत्वमा यहाँ दर्ता भएको कम्पनीसँगको सहकार्यमा उक्त क्यासिनो चलाउने सम्झौता केही अघि होटलसँग भएको थियो । ुएकाध महिनाभित्रै क्यासिनो सञ्चालनमा आउँछ,ु होटलसम्बद्ध स्रोतले भन्यो । सिक्किममा क्यासिनो सञ्चालन गर्ने मुख्यमन्त्री पवन चाम्लिङका आफन्त हुन् । चाम्लिङ आइतबारदेखि साताव्यापी भ्रमणमा यहाँ छन् । विकासले सिक्किममा क्यासिनो माजोन चलाइरहेका छन् । श्रेष्ठले पनि सिक्किममा चाम्लिङको साझेदारीमा मदिरा उद्योग सञ्चालन गरिरहेको सम्बद्ध स्रोतले बतायो । क्यासिनो व्यवस्थापन गरिरहेको नेपाल रिक्रियसन सेन्टरका प्रमुख कार्यकारी राकेश बाधवा ठूलो परिमाणमा राजस्व बक्यौताका साथै होटलको भाडा र कर्मचारीको दायित्व नतिरी फरार भएपछि चार दशक पुरानो क्यासिनो नेपाल बन्द भएको थियो । यस्तै एभरेस्ट होटलस्थित क्यासिनो एभरेस्ट र ह्यातस्थित क्यासिनो ताराको व्यवस्थापन किशोर सिलवालको कम्पनी भ्याली लिंकले लिएको छ । चाम्लिङको समूहले दुवै क्यासिनोको व्यवस्थापन लिन प्रयास गरे पनि स्थानीय क्यासिनोका पुराना खेलाडी सिलवालले हात पारेका हुन् । बाधवा फरार भएपछि एभरेस्ट कर्मचारीको समूहले सञ्चालन गरिरहेको छ । यस्तै मलेसियाको एसियन रिसोर्ट एन्ड क्यासिनोले केही समय सञ्चालन गरी छाडेपछि तारा पनि कर्मचारीको समूहले चलाइरहेको छ । क्यासिनो तारामा सिलवालको कम्पनीले व्यवस्थापन सम्हालिसकेको छ । एभरेस्टमा क्यासिनोको व्यवस्थापन लिनेदिनेसम्बन्धी सम्झौता दुई साताअघि भए पनि क्यासिनो चलाइरहेको कर्मचारीको समूहको असन्तुष्टिका कारण हस्तान्तरण भएको छैन । ुलामो समयदेखि क्यासिनोको ुडाडुपन्युु चलाइरहेको समूहलाई क्यासिनो अरूलाई दिने कुरामा चित्त बुझेको छैन,ु एभरेस्टका एक कामदारले भने, ुअधिकांश कर्मचारी भने नयाँ व्यवस्थापनको पक्षमा छन् ।ु मल्ल (क्यासिनो भेनस०, र्‍याडिसन (र्‍याड० र पोखराको ग्रान्डेमा (ग्रान्डे० क्यासिनो सञ्चालन गरिरहेका सिलवालसँग अब पाँच क्यासिनो भएका छन् । काठमाडौं र पोखराका गरी १० पाँचतारे होटलले क्यासिनोको इजाजत लिएका छन् । मुलुकमा एक समय अमेरिकी नागरिक आरडी टटल क्यासिनो किङ भनेर चिनिएका थिए । नेपाल रिक्रियसन सेन्टरको स्वामित्व लिएपछि भारतीय नागरिक बाधवाले उक्त उपमा पाएका थिए । ुअब सिलवाललाई क्यासिनो किङ भने हुन्छ,ु स्रोतले भन्यो ।