प्रथम इच्छाकामना महोत्सव भाद्र २६ देखि हुने

५ भदौ, धादिङ –

प्रथम इच्छाकामना महोत्सव–२०७५ भाद्र २६ गतेदेखि असोज ६ गतेसम्म संचालन हुने भएको छ । चितवनको इच्छाकामनामा संचालन हुने महोत्सवबारे मंगलवार चुम्लिङटारमा पत्रकार सम्मेलनको आयोजना गरी जानकारी दिइएको हो ।

कृषि,पर्यटन,उद्योग र व्यापारको प्रवर्दन गर्ने उदेश्यले महोत्सव आयोजना गरिएको महोत्सव मुल समारोह समितिका संयोजक कृतिकुमार श्रेष्ठले जानकारी दिए । महोत्सव मार्फत कृषिमा व्यवसायीकरण तथा आधुनिकिकरण,पर्यटन उद्योगको प्रवद्र्धन तथा उद्योग व्यापारको प्रवद्र्धन गरिने उनले बताए । इच्छाकामना मन्दिर,लामो झरना जलविरे,एतिहाँसिक उपरदाङगढी,चेपाङ होमस्टे,त्रिशुलीमा ¥याफ्टीङ,सिराइचुली,पाथीभरा सिंहदेवी माई मन्दिर लगाएतका मुख्य पर्यटकिय क्षेत्रको प्रचार–प्रसार र प्रवद्र्धनमा महोत्सव केन्द्रित रहने संयोजक श्रेष्ठको भनाई छ ।

महोत्सवमा १ सय ५० भन्दा बढि स्टलहरु रहने र करिव १ लाख दर्शकले अवलोकन गर्ने अपेक्षा राखिएको महोत्सवका सह–संयोजक प्रताप गुरुङले बताए । प्रथम इच्छाकामना डान्स आईडल २०७५,वृहत तीज गीत प्रतियोगिता र स्थानिय तथा राष्ट्रिय कलाकारको विशेष प्रस्तुती महोत्सवको आकर्षणका केन्द्रको रुपमा रहने गुरुङले जानकारी दिए । महोत्सवमा फोहोरवाट मोहोर बनाउने इकोसान प्रविधिवारे समेत जानकारी गराइने उनले बताए ।

इच्छाकामना गाँउपालिका वडा नं ४ कुरिनटार स्थित सर्वशान्ति माविको खेल मैदानमा हुने महोत्सव उद्योग वाणिज्य संघ संघ मुग्लिन र इच्छाकामना एफ।एम १०२.४ मेगाहर्जको संयुक्त आयोजनामा हुन लागेको हो । महोत्सवमा इच्छाकामना गाँउपालिका र उद्योग वाणिज्य संघ चितवन संरक्षकरप्रवर्दकको रुपमा रहेका छन् । महोत्सव संचालन गर्न करिव ४४ लाख ३० हजार खर्च लाग्ने र ५७ लाख ५० हजार आम्दानी हुने आयोजकको अनुमान गरिएको छ ।

२०७५ भदौ ५ गते प्रकाशित