Pabil News
२० जेठ, धादिङ–
नेपाल राष्ट्रिय शिक्षक संगठनको अध्यक्षमा धादिङका लक्ष्मण शर्मा निर्वाचित भएका छन् । संगठनको १२ औं राष्ट्रिय महाधिवेशनले शर्माको अध्यक्षतामा ३२ सदस्यीय नयाँ कार्यसमिति निर्वाचित गरेको हो ।
शर्माले अध्यक्षका अर्का प्रत्यासी भिम बहादुर बस्नेतलाई ४८ मतले पराजित गरेका हुन् । शर्माले २२८ मत ल्याउँदा बस्नेतले १८० मत मात्रै पाएका थिए । वरिष्ठ उपाध्यक्षमा ज्ञावनशेर राई महिला उपाध्यक्षमा इला मल्ल शाही, समावेशी उपाध्यक्षमा जमुना काफ्ले चापागाईं विजयी भएका छन् ।
महासचिवमा हंशबहादुर शाही, सचिवमा अम्विका चापागाईं, कोषाध्यक्षमा विष्णुप्रसाद भण्डारी र सह–कोषाध्यक्षमा पार्वती प्याकुरेल विजयी भएका छन् ।
२०७५ जेठ २० गते प्रकाशित
About The Author
