Pabil News
२८ माघ, हेटौंडा –
प्रदेश ३ को उपसभामुखमा माओवादी केन्द्रकी राधिका तामाङ निर्विरोध निर्वाचित भएकी छन् ।
आइतबार हेटौँडामा रहेको प्रदेश नंबर ३ को प्रदेशसभा सचिवालयमा भएको मनोनयन दर्तामा उनी बाहेक अरुको उम्मेद्वार नपरेपछि तामाङ निर्विरोध निर्वाचित भएकी हुन् ।
तामाङले वाम गठबन्धनको तर्फबाट उम्मेदवारी दिएकी हुन् । उनको प्रस्तावकमा एमाले संसदीय दलका नेता डोरमणि पौडेल र समर्थकमा माओवादीकी उपनेता कुमारी मोक्तान छिन् ।
नुवाकोट क्षेत्र नम्बर १ को क बाट निर्वाचित ३४ वर्षीया प्रदेशसदस्य तामाङ माओवादी केन्द्रीय सदस्य र पूर्व कृषि राज्यमन्त्री हुन् ।
२०७४ माघ २८ गते प्रकाशित
About The Author
