यस्तो छ ‘राज्जा रानी’ को ट्रेलर

१६ मंसिर, धादिङ –

नायिका केकी अधिकारी र नायक नाजीर हुसैन अभिनित फिल्म ‘राज्जा रानी’को ट्रेलर सार्वजनिक भएको छ ।

शुक्रवार राजधानीमा एक कार्यक्रमका बीच सार्वजनिक गरेको फिल्मको ट्रेलरले मधेशमा जरो गाडेर बसेको दाइजो प्रथाको बारेमा रहेको छ । फिल्ममा नाजीर राज्जा र केकी रानीको भूमिकामा प्रस्तुत भएका छन् । फिल्मलाई आगामी पुष २१ गते देखि प्रदर्शन गर्ने निरमं पक्षले जानकारी गराएको छ ।

आर्यन फिल्म प्रोडक्सनको ब्यानरमा निर्मित तथा याम थापा निर्देशित यो फिल्मको सम्पूर्ण छायांकन नेपालगञ्जको पठारमा गरिएको हो । प्रेमकथामा आधारित ‘राज्जा रानी’लाई रमेश एमके पौडेलले निर्माण गरेका हुन् ।

फिल्ममा केकी र नाजीरका अलावा कामेश्वर चौरासिया, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य, अनुज थापा लगायतका कलाकारहरुको पनि अभिनय छ ।