Pabil News
१८ कात्तिक, चितवन –
चितवनमा पोल्ट्री तथा लाइभस्टक अन्तराष्ट्रिय प्रदर्शनी सुरु भएको छ । भरतपुरको निर्माणाधिन एक्पो सेन्टरमा आयोजित प्रदर्शनीको उपराष्ट्रपति नन्दकिशोर पुनले शुक्रबार उद्घाटन गरे।
१९ गतेसम्म संचालन हुने प्रर्दशनीमा विभिन्न देशको पोल्ट्री तथा लाइभस्टकका १ सय ७० स्टल रहेका छन् । स्टलमा नविनतम प्रविधी रहनुका साथै पोल्ट्री तथा लाइभस्टकसँग सम्बन्धित सेमिनार पनि आयोजना गरिएको छ ।
प्रदर्शनीमा नेपाल, भारत, जर्मनी, बेल्जियम, नेदरल्याण्ड, चीन, अमेरिका, टर्की, मलेसिया, ताइवान, इटली, इजराइल, बंगलादेश, लगायत देशबाट पोल्ट्री तथा लाइभस्टक कम्पनीहरुको उपस्थिती रहेको छ ।
महोत्सवमा आधुनिक यन्त्र, अत्याधुनिक प्रविधि, गुणस्तरीय औषधी, फिड सप्लिमेन्ट्स, डेरी उद्योग, पोल्ट्री उद्योग, दाना उद्योग, ह्याचरी उद्योग, वंगुरपालन उद्योग, मत्स्यपालन उद्योग र मासुजन्य उद्योगसम्बन्धी स्टाल राख्ने व्यवस्था गरिएको छ । प्रदर्शनीमा २५ देखि ३० हजार व्यवसायी एवंं सर्वसाधारण अवलोकनका लागि आउने अनुमान गरिएको छ ।
२०७४ कात्तिक १८ गते प्रकाशित
About The Author
