अफगानविरुद्व श्रीलंकाको संघर्षपूर्ण जित

१० फागुन, काठमाडौं । विश्वकप क्रिकेटमा श्रीलंकाले एशोसिएट्स नेशन अफगानिस्तानविरुद्ध संघर्षपूर्ण जित हात पारेको छ ।

विश्वकपमा पहिलो जित हात पार्ने क्रममा श्रीलंकाले अफगानिस्तानलाई ४ विकेटले पराजित गर्‍यो । डेब्यू वन डे विश्वकपमा अफगानिस्तानको यो लगातार दोस्रो हार हो । श्रीलंका भने पहिलो खेलमा न्यूजिल्याण्डसँग ९८ रनले पराजित भएको थियो ।

आइतबार अफगानिस्तानले दिएको २३३ रनको लक्ष्य श्रीलंकाले माहेला जयबर्धनेको शतकको मदतमा अन्तिम १० बल बाँकी छँदा ६ विकेट गुमाएर छँदा भेट्टायो ।

उसको सुरुवात भने निकै खराव थियो । ओपनर लाहिरु थिरिमाने डाइमन्ड डकआउट ९इनिङकै पहिलो बलमा आउट भए । अर्का ओपनर तिलकरत्ने दिल्सान पनि गोल्डन डक आउट हुँदै पभेलियन फर्किए ।

५१ रन जोड्दा चार विकेट गुमाइसकेको श्रीलंकाको पारी जयबर्धने र एन्जेलो म्याथुले सम्हाले । जयबर्धने र म्याथुले पाँचौं विकेटका लागि १२६ रनको साझेदारी गरे ।

म्याथु ४४ रनमा आउट भए भने जयबर्धने १०० रनमा पभेलियन फर्किए । म्याथु र जयबर्धने आउट भएपछि अफगानिस्तानको खेलमा फर्किने आश देखिएको थियो ।

तर, थिसरा परेरलले आक्रामक पारी खेल्दै २६ बलमा छ चौका र एक छक्काको मदतमा अविजित ४७ रन बनाउँँदै श्रीलंकालाई जित दिलाए ।

अफगानिस्तानका हमिद हसनले ३ विकेट लिए ।

यसअघि युनिभर्सिटी ओभलमा टस हारेर पहिले ब्याटिङको निम्तो पाएको अफगानिस्तानले असगर स्टानिक्जाईको अर्धशतको मदतमा ४९।४ ओभरमा सबै विकेट गुमाएर २३२ रन बनाएको थियो ।

तेस्रो विकेटका लागि समिउल्लाह सेनवारीसँग ८८ रनको साझेदारी गरेका असगरले ५४ रन बनाए । सेनवारीले ३८ रनको योगदान दिए ।

श्रीलंकाका लासिथ मालिंगा र एन्जेलो म्याथुले ३र३ विकेट लिए भने सुरंगा लकमलले २ विकेट हात पारे।
अनलाइन खबरबाट