‘लुट २’ को कारोबार दुई दिनमा ३ करोड, धादिङमा पनि चलचित्र प्रदर्शन

१५ फागुन, धादिङ –

चलचित्र लुट- २’ ले दुई दिनमा ३ करोड भन्दा बढीको कारोबार गर्न सफल भएको छ ।

फागुन १३ गते शुक्रबार रिलिज भएको सिनेमा ‘लुट-२’ ले सुरुवाति दुई दिनमै तीन करोडको कारोबार गर्दै दुई दिनमा अहिलेसम्मकै धेरै कमाउने सिनेमा बनेको छ । शिवरात्रीको अवसर पारेर रिलिज गरिएको सिनेमा अहिले काठमाडौंका सबै हलहरु र काठमाडौं बाहिरका ८० वटा हलमा चलिरहेको निर्माता नरेन्द्र महर्जनले जानकारी दिएका छन् । महर्जनले शुक्रबार सिनेमाले कमाएको वास्तविक तथ्य नबाहिरिएको तर शनिबार सिनेमाले एक करोड ५० लाखभन्दा माथिको व्यापार गरेको बताएका छन् ।

निश्चल बस्नेतको निर्देशन अनि नरेन्द्र महर्जन र माधव वाग्लेको निर्माण रहेको ‘लुट–२’ मा दयाहाङ राई, सौगात मल्ल, ऋचा शर्मा, विपिन कार्की, सिर्जना सुब्बा, प्रतिकराज न्यौपाने लगायत कलाकारको मुख्य भूमिका छ ।

धादिङमा रहेको ओम शान्त् िचलचित्र मन्दिरमा पनि यो फिल्म प्रदर्शनमा आएको छ ।

२०७३ फागुन १५ गते प्रकाशित