Pabil News
९ फागुन, धादिङ –
स्पेनिस ला लिगा अन्तर्गत आइतबार राति भएको खेलमा संघर्षपूर्ण जित निकाल्दै बार्सिलोना फेरि दोस्रो स्थानमा उक्लिएको छ ।
घरेलु मैदान क्याम्प नाउमा भएको खेलमा बार्सिलोनाले लेगानेसलाई २–१ ले हराएको हो । बार्सिलोनाको जितमा दुवै गोल लियोनल मेस्सीले गरे । चौथो मिनेटमा नै गोल गर्दै मेस्सीले बार्सिलोनालाई सुरुवाति अग्रता दिलाए ।
पहिलो हाफमा १–० ले पछि परेको लेगानेसका लागि ७१ औं मिनेटमा युनाइ लोपेजले बराबरी गोल फर्काए । त्यसपछि अन्तिम समयसम्म बराबरी भएको खेलमा ९० मिनेटमा पाएको पेनाल्टीको अवसरलाई सदुपयोग गर्दै मेस्सीले बार्सिलोनाका लागि विजयी गोल गरे ।
२०७३ फागुन ९ गते प्रकाशित
About The Author
