बेटर नेपाल – राष्ट्रलाई समृद्ध बनाउने अभियान

त्रिभुवन विश्वविद्यालयबाट स्नातकोत्तर उत्तीर्ण गर्नुभएका गणेश आगम ढुङ्गानाले यसभन्दा अगाडि ब्याङ्गलोर विश्वविद्यालयबाट राजनीतिशास्त्रमा स्नातक तथा भारतकै प्रतिष्ठित टाटा सामाजिक विज्ञान संस्थान, मुम्बईबाट प्रकोप व्यवस्थापनमा स्नातकोत्तर गरेका थिए । साथै उनलाई इन्डोनेसिया विश्वविद्यालय, जाकर्ताबाट विश्व विविधतामा सम्मानित स्नातक प्रदान गरिएको छ ।

ढुंगानाले प्राज्ञिक विद्यार्थी परिषदको सचिव भै विश्व युवा तथा विद्यार्थी संगठनको सचिव भएर समेत काम गरेका थिए । उनले मंगोलिया, भारत, चीन, इन्डोनेसिया साथसाथै नेपालका विभिन्न जिल्लाहरुमा युवा नेतृत्वको बारेमा उत्प्रेरक एवं वक्ता भएर सहभागी छन् ।

ढुंगाना एक सृजनशील लेखक पनि हुन् । उनले अहिलेसम्म बाल बोली कविता संग्रह, आवाज मुटुको कवितासंग्रह, भर्टेक्स कथासंग्रह तथा डेस्टिनेसन निबन्धसंग्रह गरी ४ वटा पुस्तक प्रकाशन गरिसकेका छन् । उनी कार्तिकेय राष्ट्रिय बालप्रतिभा पुरस्कारबाट समेत सम्मानित भएका छन् । उनकै नेतृत्वमा हालसालै शुरु भएको बेटर नेपाल अभियानले राष्ट्रिय चर्चा बटुल्दै गर्दा पाविलन्यूज डटकमका संवाददाता अस्मिता खतिवडाले गरेको कुराकानी :

बेटर नेपाल अभियान के हो ?

– यो एउटा सोचको यात्रा हो । राष्ट्र निर्माणको लागि आफैंसंग भएका मूल्य मान्यतालाई समयअनुसार परिस्कृत गर्दै समाज र राष्ट्रलाई समृद्ध बनाउन सकिन्छ भन्ने मान्यताको उपज हो । विकास र परिवर्तन आयातित विचार र पद्धतिहरु भन्दा आफ्नै माटोमा हुर्किएकाले दिगोपन ल्याउँछ भन्ने वकालत हो ।

अभियानमा को–को छन् ?

– यो अभियानमा प्रेम र सद्भावले बाँधिएका युवाहरु छन् जो समृद्ध नेपालको सपनासंगै हुर्किदै छन् ।

गर्ने कार्यहरु के–के हुन् ?

– हाम्रो प्रमुख कार्य भनेको चरित्रवान् व्यक्ति निर्माण हो । जो कुनै जात जाति ,भाषा, धर्म , विचार र अन्य कुनै कारणले विभाजित नरही देशलाई समृद्घ बनाउने प्रकृयामा आ–आफ्नो ठाउँबाट सहयोग पु¥याउन र व्यक्ति निर्माणको प्रकृयालाई हामीले तीन तवरले अगाडि बढाएका छौं । कला–साहित्य, सूचना प्रविधि र उत्प्रेरणा–परामर्श ।

अभियानमा अरुलाई कसरी सहभागी गराउनुहुन्छ ?

– हामीले हाम्रा गुरुहरुको सल्लाह र सुझावलाई हृदयबाटै मनन् गर्दै उहाँहरुको मनमा बसेका कोपिलाहरुलाई अभियानमा सहभागी गराएका छौं । यो अभियान हामीहरुले बिभिन्न विश्वबिद्यालयका गुरुहरुको सल्लाह र सिफारिसमा हाम्रो मुख्यसमितिमा राखेका छौं । र सम्पूर्ण ईच्छुक र प्रतिबद्घ युवाहरुलाइृ मार्ग खुल्ला राखेका छौं ।

यो अभियानले देशले के पाउंछ ?

– यो अभियानले देशमा प्रेमको शक्ति फैलाउने छ । र राष्ट्रलाई समृद्घ बनाउनको लागि यो एक माध्यम बन्न सक्नेछ । आज देशमा एकताको खडेरी लागेको छ । र त्यसलाई मलजल गर्न प्रेमको वर्षाको आवश्यकता छ ।

भविष्यको नेपाल कस्तो कल्पना गर्नुभएको छ ?

– नेपाल आफँैमा एक सुन्दर ज्ञानभूमि हो । हामीले आफ्नो अस्तिव र क्षमतालाइृ नबुझ्दा धेरै पछाडि परेका छौं । मेरो सोच मा यो देश भविस्यमा नेपाल एक धार्मिक पर्यटकीय स्थल, दक्षिण एसियालाई नै पर्याप्त उर्जा निर्यातकर्ता, अर्गानिक कृषि भुमी र प्राचिन सभ्याताको अध्ययन भुमीको रुपमा बिश्वको एक उत्कृष्ट गन्तव्य बन्न सक्छ ।

अभियानमा युवाहरु नै किन ?

– समृद्घ नयाँ पालुवा हुर्किनु पर्छ । र यो युवा पालुवाहरु कर्मठ र निष्ठवान् हुन्छन् ।

लाखोैं युवाहरु रोजगारीको सिलसिलामा विदेशिरहेका छन्, यो अभियानले ती युवाहरुको बारेमा पनि केही सोचेको छ?

– हामीले देशमा नै सम्भावना खोजिरहेका छौँ । जव विदेशिएका युवाहरुले ती सम्भावनाहरुलाई देख्छन् र यहीँ कर्म गर्न थाल्छन्, देश पनि सम्वृद्घ बन्छ र घरका आँगनमा मुस्कानहरु फुल्दै जान्छन् ।

युवाका मुख्य समस्या के हो जस्तो लाग्छ ?

– वास्तवमा युवामा समस्या नै छैन समस्या त समाजले राखेको दृष्टिकोण हो । र त्यही दृष्टिकोणले बिस्तारै विकृति , विसंगति लगायतका बिल्लाहरु युवालाई भिराउन थाले र युवाहरु त्यसमै फसे , थिचिए र भासिए । अब आवश्यकता छ त उनिहरुलाई प्रेमले सफा गरि जिम्मेवारीको भारी बोकाएर अवसरको मार्गमा हिडाउने अनि देखिनेछ चमत्कार ।

नीतिगत तहमा युवा सहभागिता बढाउन के गर्नुपर्ला ?

– ठूला तहमा भएकाहरुको मानसिकतामा परिवर्तन र युवाको क्षमता र दक्षतामाथि सकारात्मक दृष्टिकोण राख्नु पर्छ ।

अन्तमा,

म राम्रो छु भन्ने सोच्नु , राम्रो बन्न राम्रा कार्यहरु गर्नु , सोचमा परिवर्तनसंगै व्यवहारमा परिवर्तन आउँछ । त्यो नै समृद्घको पहिलो बिन्दु हो । धन्यावद ।

२०७३ मंसिर ६ गते प्रकाशित