Pabil News७ कात्तिक, धादिङ –
धादिङको धुवाँकोट गाँउ विकास समितिलाई पूर्ण खोपयुक्त गाविस घोषणा गरिएको छ ।
‘स्थानीय स्वामित्व र सहभागिता, पुर्ण खोप सुनिश्चितता धुवाँकोटबासीको प्रतिबद्धता’ भन्ने नाराको साथ आइतबार एक कार्यक्रमको आयोजना गरि पूर्ण खोप गाविस घोषणा गरिएको हो ।
जिल्ला स्वास्थ्य कार्यलय धादिङ र धुवाँकोट स्वास्थ्य चौकीको संयूक्त आयोजना कार्यक्रम गरिएको हो ।
धुवाँकोट गाविसलाई जिल्लाको १३ औँ पूर्ण खोप गाविसको रुपमा घोषणा गरिएको जिल्ला स्वास्थ्य कार्यालय धादिङका खोप अधिकृत शरद आचार्यले जानकारी दिए । यस अघि साविकको मुरलीभन्ज्याङ, मैदि र ढोला, सल्यानकोट र फूलखर्क लगायतका गाविसहरु पूर्ण खोप गाविस घोषणा भैसकेका छन् ।
१२ महिना देखि २३ महिना सम्मका सबै बालबालिका र एक बर्ष उमेर भएका बालबालिकाले पूर्ण खोप पाएको घोषण गरिएसँगै गाविसलाई पुर्ण खोप गाविस घोषण गरिएको हो ।
यो पनि पढ्नुहोस्
धादिङका १२ गाविस पूर्ण खोपयुक्त गाविस घोषित
About The Author
